Outydse gebak,
vars gebak uit ouma se kombuis.
Ideaal vir vakansie, kamp en kuier, saamvat na ouma en kinders, weggee vir geskenke aan personeel, geniet saam tee, aanbied vir gaste, verrassing vir Kersfees, gee vir kliënte om seker te maak hul kom weer, die res bêre vir later… as daar oor is!
Ons varsgebak word steeds met die hand gemaak, volgens ouma se resep en met dieselfde liefde as wat sy daarin gesit het. Met die verskil dat dit nou toeganklik is vir almal in die stad wat ver van die plaas af bly, wie se ouma net ‘n herinnering is, maar wat steeds verlang. En die verlange wil koester met smake en reuke uit die verlede.
Vrystaat Versorging In Aksie
Vrystaat Versorging in Aksie het in 1908 tot stand gekom as die Oranje Vroue Vereniging wat hom daarop toegelê het om welsynswerk te doen onder verarmde gemeenskappe.
Vandag is VVA steeds ‘n doeltreffende welsyns- organisasie met 17 takke in die Vrystaat wat met ‘n visie van kwaliteit volhoubare welsynsdiens onverpoos werk om die missie van versorging, ontwikkeling en bemagtiging te dien.
Heart @work
‘n Ywerige VVA bestuurslid, Mev Mariëtta Rheeder, het reeds sowat 15 jaar gelede begin om koekies en beskuit te bak ten einde fondse vir welsynswerk te genereer en mense te bemagtig. Die motorhuis wat as kombuis gedien het, het te klein geword en Die Plaaskombuis is tot stand gebring en die dienste uitgebrei. Daar word op daaglikse basis etes, snoephappies, verjaardagkoeke, geskenkies, ens. voorberei terwyl die regte outydse koekies en hedendaagse beskuit steeds ‘n wenner is wat wyd en suid verkoop word.
Die logo Heart@Work is ontwikkel omdat dit die werk wat VVA doen na twee kante uitspel nl. harde werk wat met die hart gedoen word om mense fisies en geestelik te help en by te staan.
Bestellings
